Quén somos

VigoHistórico.org é un movemento cidadan sen ligazóns políticas que ten por obxectivo que a Porta do Sol, Elduayen e Paseo Alfonso sexan completamente peonís

Vigohistorico non está vencellado a ideoloxías  concretas nen a partidos políticos. Somos un movemento transversal, formado de forma case espontánea por persoas de distintos espazos profesionais e ideoloxías, que coinciden na necesidade de crear o debate na sociedade sobre o estilo de Vigo que queremos, ante a oportunidade que xurde co proxecto de peonalización da Porta do Sol. Somos tamén un movemento que está aberto a todo o mundo que queira aportar.

Promovido pola Asociación Viguesa pola Defensa do Patrimonio Histórico, o sitio web #Vigohistorico non se cingue so ao colectivo de veciñanza anti-obras, senón que tenta dar cabida a un movemento de base social máis ampla  que reclama diálogo e reflexion na gobernanza municipal na intención de axudar a conseguir un Vigo Central máis amable, fermoso, moderno, ecolóxico e sostible.

Firma

En datas próximas  dará comezo no centro de Vigo unha importante obra de tunelación que alterará de forma irreversible a morfoloxía do Centro de Vigo -Policarpo Sanz, Porta do Sol, Rúa Elduayen e Paseo de Alfonso- afeando el Vigo Histórico.

O proxecto, concebido cunha mentalidade arcaica e en contradicción coas novas tendencias de mobilidade e baixas emisión da Unión Europea, no so afeará á cidade con enormes ramblas nas tres  bocas do tunel, senón que dificultará vida cotiá dos veciños e comerciantes da Zona vella , e o movemento de persoas -cabalga de reis...- e levantará un muro entre casco vello alto e baixo en Elduayen perxudicando a circulación de persoas con mobilidade reducida, turistas, e transportistas.

Por ese motivo, un colectivo de persoas realmente coñecedores do proxecto dirixíronse ao alcalde de vigo  a traves de changue. org solicitando que atenda unha razoada petición de revisión e/ou cancelación do proxecto do túnel que podes estudar e asinar pulsando o seguinte botón

Noticias e debate en VigoHistorico

En Vigohistorico queremos aproveitar a oportunidade que xurde coa iniciativa de peonalización da Porta do Sol e a desfeita que pode implicar o actual proxecto do tunel para xerar opinión e debate.

 Por iso, o sitio web vigohistorico.org dispón dun blogue que tenta dar cabida tanto a declaracións oficiais do noso movemento, asinadas como #VigoHistórico, como as aportacións ao debate dos seus membros ou terceiros que participen dos obxectivos da nosa asociación. 

Vigo Historico invita a artistas e ilustradores a dala súa visión sobre o Paseo de Alfonso

Invitación Carteles Paseo de Alfonso

Desde Vigo Histórico defendemos a peonalización do Paseo de Alfonso e Elduayen sen a construción do túnel previsto entre Policarpo Sanz e Elduayen. Pensamos que a construción do túnel provocaría a dosificación do tráfico no Paseo de Alfonso e impediría o gozar do único balcón urbano ao mar que hai na cidade.

Para difundir a importancia que ten o miradoiro e esta zona de encontro pedimos aos/as artistas que deseñen carteis que dean a súa visión do Paseo de Alfonso, o que este espazo suxírelles e o que representa para elas/eles.

Pensamos que isto axudará a velo desde distintos ángulos e a valorar máis o que temos agora e podemos perder.

Ler máis

Declaración de Vigo Histórico en relación a presentación do recurso ante o ante o Tribunal Administrativo de Contratación Pública de Galicia

A "Asociación Viguesa pola Defensa do Patrimonio Histórico" e mais o movemento #VigoHistorico explican aos medios as motivacións que nos levaron á presentación dun recurso ante o Tribunal Administrativo de Contratación Pública de Galicia contra o proxecto de soterramento do tráfico da Porta do Sol mediante a construcción dun túnel baixo a rúa Elduayen dende Policarpo Sanz ao Paseo de Alfonso.

 A principios de Maio os veciños por medios indirectos comezan a ser conscientes dos detalles do proxecto e piden formalmente xuntanzas co Concello para obter información. Ante as demandas de xuntanzas, a corporación municipal admite dúas reunións individuais en Xuño, e cinco en Setembro (coa obra xa tramitada). Como non se deron respostas as nosas inquedanzas nas reunións, e non atopamos intención de diálogo nin de considerar outras alternativas por parte do Concello, a veciñanza recurriu ao asesoramento legal.

Analizado a fondo o proxecto, puxéronse de manifesto importantísimas eivas na concepción e deseño do túnel que fixemos chegar ao Concello por escrito. O Concello non quixo escoitar as nosas razons.

Como cidadáns, ante un proxecto que consideramos altamente lesivo para Vigo, topámonos en completo desamparo por parte da administración municipal e vémonos obrigados a poñer un recurso (que, non esquezamos, tamén é un procedemento democrático), ante a falta de vontade de escoitarnos por parte do concello. Semella que o Concello cré que a participación cidadá en Vigo debe reducirse á defensa legal, a acudir as instancias xurídicas.

As eivas que atopamos no proxecto e que forman parte do recurso ante o Tribunal Administrativo de Contratación Pública de Galicia podense resumir nos seguintes pontos:

Ler máis

A rúa Elduayen: outravolta unha fenda no casco vello?

Os túneles da rúa Elduayen poden ser unha nova fenda no casco vello de Vigo

Elduayen é a rúa das desfeitas patrimoniais. Xa o foi na súa apertura, hai máis de 125 anos; e, se non o evitamos, vai volver a selo co túnel da Porta do Sol.

Construída en 1890 para unir a Estrada de Camposancos coa estrada de Pontevedra, a rúa  Elduayen permitía atravesar Vigo sen percorrer as estreitas rúas do Casco Vello pois daquela a area da praia chegaba ata os soportais do Berbés, e a vila non se podía rodear por abaixo.

Para a súa construción derrubáronse varios edificios, co gallo de abrir a nova rúa e anchear a estrada existente. Entre eles, a Capela da Misericordia, da confraría de mareantes. Derrubamento que foi polémico, xa que quedou sen cartos a media obra, ata o punto que hai fontes que afirman que non se trasladaron os restos do camposanto.

Ler máis

Cadea humana desde o Sereo á Oliveira do Paseo de Alfonso para rexeitar o túnel de Porta do Sol

Cadea humana desde el Sireno  á Oliveira do Paseo de Alfonso para rechazar el túnel de Porta  do Sol

“A Oliveira quere unirse co Sereo coas mans da xente, non co fume dos coches” foi o lema dunha cadea humana que uniu a Oliveira do Paseo de Alfonso co Sereo na Porta do Sol reclamando una peonalización total que desbote o proxecto do tunel

O acto, que deu inicio aos actos da Semana de Loita contra o Cambio Climático foi promovido  polo movemento de Vigo Histórico e distintos colectivos como Fridays For Future-Vigo, Movemento Galego polo Clima, Vigo sen Bombeiros que comparten a idea de que a cidadanía viguesa merece moito máis que peonalizar solo a porta do sol, e perpetuar a contaminación en Vigo.

Cando todas as vilas de Europa camiñan hacia a retirada dos vehículos dos seus centros urbans, en Vigo estamos a metelos de cheo no corazón da cidade.  Dende  VigoHistorico pensamos que o proxecto de peonalización da Porta do Sol é unha peonalización ornamental, pero non real, xa que non reduce o tráfico. É máis. Traslada á cidadanía a mensaxe de seguir utilizando o coche particular, cando a mensaxe que pide o planeta é outro: utilizade o transporte público, as bicicletas, camiñade!.

Ler máis

VigoHistorico considera que o Túnel na Porta do Sol vai desaproveitar o Camiño de Santiago en Vigo, e incumple a Lei de Patrimonio de Cultural de Galicia

O camiño de Santiago Portugués pola Costa pasa polo Casco Vello de Vigo .   O camiño entra por Paseo Alfonso, continúa por Elduayen para despois acceder a Colexiata por Sombrereiros. Pódese comprobar na imaxe de portada  na  web oficial do camiño de Santiago,   e na web da asociación cultural en defensa do patrimonio Amigos de los Pazos

O movemento cidadán #VigoHistorico lamenta profundamente que a construcción do Túnel afee e desvirtúe a entrada do camiño de Santiago no centro de Vigo. Considera que esta non é forma de conservar o patrimonio. Os Peregrinos entrarán no casco vello entre as ramplas de do túnel, creándose unha imaxe da cidade moi pouco atractiva.

VigoHistorico propón a peonalización total do tramo Porta do Sol - Paseo Alfonso, e buscar alternativas máis sostibles para o tráfico. Entre outras moitas vantaxes, esta solución lograría que a entrada do Camiño no centro histórico de Vigo teña moito máis encanto.

Ler máis

O Movemento VigoHistórico.org acorda constituírse como asociación co nome Asociación Viguesa pola Defensa do Patrimonio Histórico

VigoHistórico.org acorda constituírse como asociación

Dada a relevancia do impacto negativo que pode ter a obra do túnel baixo Policarpo Sanz, Porta do Sol e Elduayen, e a escasa disposición da nosa administración local a escoitar e considerar outra alternativa que non sexa peonizar soamente unha parte co actual proxecto, o movemento cidadán VigoHistórico.org decidiu o pasado mércores constituírse como asociación. 

A asociación "Asociación pola Defensa do Vigo Histórico"créase para poder acometer diferentes vías de actuación co fin de instar ao Concello de Vigo, de forma respectuosa e construtiva, a que recapacite e pare a licitación da obra e explore outras alternativas para conseguir unha Porta do Sol peonil.

Ler máis

  • 1
  • 2