O pasado día 29 de Xuño as 19.00 horas, #VigoHistorico, aproveitando que o tráfico estaba cortado, fixo unha "quedada de lectura" no medio de Elduayen. O obxectivo de dita acción era mostrar que se pode facer uso da rúa dun xeito distendido sen colapsar Vigo e desde logo sen necesidade de facer ningún túnel. Isto é una realidade contrastada nestas semanas, nas que a porta do Sol está cortada, e non se perciben atascos.

Vigo Histórico entende que o moderno e sostible é ampliar os espazo peonís reducindo o tráfico, e non perpetuándoo cun túnel.
A proposta de #VigoHistorico é facer peonalización gradual, mantendo o transporte público excepto nos fines de semana ou festivos, como paso previo a peonalización total. Por ese motivo consideramos necesario reconducir o uso dos fondos EDUSI do túnel na recuperación económica, na liña dos novos obxectivos da Unión Europea en tempos de pandemia, e non poñer en risco o casco vello e o patrimonio cultural da cidade´.

A Fiscalía Provincial de Pontevedra ven de abrir expediente polo que se inician as dilixencias de investigación penal sobre as obras do túnel de Elduayen. Trátase dunha actuación de oficio da Fiscalía ao ter coñecemento de presuntas irregularidades no proxecto do túnel. Tras a apertura destas dilixencias, o expediente remítese á Fiscalía da área de Vigo para que continúe a investigación.

As investigacións teñen a súa orixe no escrito remitido pola Asociación Profesional de Conservadores-Restauradores de España ( ACRE) o día 28 de febreiro de 2020 ao ACRE ao Alcalde de Vigo, á Dirección Xeral de Patrimonio da Xunta de Galicia e á Fiscalía Provincial de Pontevedra en relación ao proxecto de"  "Proxecto de soterramento do tráfico rodado dá Porta do Sol e humanización e transformación peonil dá actual rede viaria”.

Na devandita carta a asociación manifesta que o proxecto producirá un dano irreversible no patrimonio construído e arqueolóxico, e o valor do conxunto do BIC Casco Vello de Vigo. Tamén entende que a “Dirección de Patrimonio Cultural da Xunta de Galicia debería cuestionar no seu momento a pertinencia dun proxecto que excede as previsións contidas no PEPRI”, e mesmo considera que se debería esixir ao Concello de Vigo a redacción dun novo Plan Especial acorde á lei 5/2016 do Patrimonio Cultural de Galicia.

ACRE solicita que a DXPC dite “unha nova resolución e ordene a paralización da execución do proxecto”, ou se implemente calquera outra iniciativa que, alcanzando os obxectivos de peonalización, garanta a protección do BIC. Como sabedes, Vigo Histórico denunciou a ilegalidade desta obra e o impacto negativo que vai ter para os vigueses e o seu patrimonio. É por iso que apoiamos a iniciativa de ACRE e convidamos os vigueses a participar nas mobilizacións que convocaremos proximamente. 

O Colectivo VigoHistórico publica un vídeo de seis minutos onde expón a súa idea para a peonalización da Porta do Sol. Sen necesidade de construir ningún túnel. 

Consiste nun resumo do seu documento “outros camiños para a peonalización”, no que se demostra que simplemente con vontade politica poderíase abordar este hito da historia de Vigo sen necesidade de construir ningún túnel. 

https://www.youtube.com/watch?v=HO-lPcdPuqk

 Seguindo con ese Vigo que estamos a descubrir... Sabes onde estaba o manancial monumental máis antigo de Vigo?  Pois estaba na Porta do Sol, xusto no extremo oposto á capela da Misericordia.

Din as crónicas que había alí unha fonte de auga potable, lugar de reunión dos cidadáns. Sitúana entre os edificios Pardo Labarta e Ledo. Xunto coa que había na praza próxima chamada do "Angelote" hoxe Princesa, eran as únicas aptas para o consumo na vila.

Pódese visualizar  en Youtube o primeiro capítulo da serie "historias a la sombra de un olivo", no que #VigoHistorico repasa a historia da nosa vila.

Este primeiro episodio comprende os pasos que deu Vigo entre o Paleolítico e os Castrexos.

Se as autoridades non intentan que coñezamos o noso pasado e o noso patrimonio, é a cidadanía a que ten que difundilo e poñelo en valor.

https://www.youtube.com/watch?v=aMoaVgAd98E